الخميس، 8 أبريل 2010

HAppy Birthday to ME

اليوم عيد ميلادي...صار عمري 29 سنة...يمكن أبدا ما حسيت اني راضي عن انجازاتي بس هالسنة اللي مرت بالذات كنت راضي جدا الحمدلله
تزوجت من بنت من يوم ما عرفتها دخلت النور لحياتي
عادة الانسان بهاد اليوم بحب يحس بأهميته عند العالم بس أنا تعودت ما أتأمل كتير حتى ما تيجي الفقسة كبيرة...في ناس كسبت معرفتهم هالسنة و منهم انتوا..وفي ناس كتير بفتقدهم جنبي و خصوصا أهلي و أصحابي....اللي لحد هلأ ما حدا عيد علي منهم (أنا بفرجيهم)...بس زوجتي احتفلت فيي امبارح احتفال خاص...كيك و شموع و تبولة و معجنات كلهم الي لحالي...تذكرت و أنا صغير لما كانوا اهلي يحتفلوا فيي...فعلا احتفال خاص جدا من زوجة خاصة جدا و اللي بحبها كتير كتير..الله يخليلي اياها يا رب
عن جد عوضت غياب كتير ناس و أشياء بحياتي لدرجة اني حسيت حالي ملكت الدنيا امبارح
على كل حال ما في بالدنيا كامل...مع انه عيد ميلادي بس أنا صاحي من الساعة 6:00 عالدوام...بس رح أهدي حالي هالأغنية..انتوا شو رح تهدوني؟؟

هناك 7 تعليقات:

Rula A. يقول...

بحب أهديك أجمل التهاني وأتمنى الك العمر المديد المليان بالفرحة والنجاح وراحة البال.. كل سنة وإنت سالم.. والله يخليلك الأهل والمدام :)

Unknown يقول...

Happy Birthday yo u.. o 3o2bal el 100 saneh ya rb .. :)

ajamr يقول...

ya seedi kul 3am winta b khair...

I would like to dedicate this to you, my brother always send it to me on my birthday, and have a good laugh on it!!!


http://www.youtube.com/watch?v=tX9MtccDIts&NR=1

sheeshany يقول...

haAaAaApy birthday :), many returns of the occasion ya rab.

مواطنون بلا حدود يقول...

شكرا الكم كتير...انشالله السنة الجاي بتكون حلوة عليكم كمان
Ala' JA
شكرا عالأغنية كتير حلوة

Whisper يقول...

كل عام وانت بالف الف خير
و عقبال ال 100 سنه اللي تكون راضي عنهم كلهم و تنجز فيهم كل اللي ببالك

الله يخليلك زوجتك يا رب و اهلك وصحابك و حبابك و يخليلك ايانا كمان :)

اسفه عالتأخير :$

مواطنون بلا حدود يقول...

Whisper..شكرا كتير كلك زوق