الأحد، 14 فبراير، 2010

For one more day



العنوان لكتاب للمؤلف ميتش ألبوم...اشتريته من اسبوعين...بيحكي عن رجل فقد امه من 8 سنوات...وشوي شوي وصلت حياته للحضيض...أدمن شرب الكحول...ترك عائلته و وظيفته...حتى بنته بعدت عنه و ما عزمته على عرسها...حس أن حياته وصلت للحضيض و قرر ينتحر...و هو في طريقة بيعمل حادث و بيفقد الوعي...وبيلتقي بأمه اللي بتمضي معه يوم كامل...بيصير خلاله بيتذكر بعض المواقف اللي كانت تصير مع امه و أبوه...
الكتاب فيه مواقف حلوة و ذكريات يمكن تكون حصلت معنا و للأسف فيه الكثير من المواقف اللي كمان ممكن نكون عملناها بدون ما نحس ...وكيف أن الانسان دائما معه وقت يحسن علاقته مع أهله بس ما بيعرف هالشي الا بعد فوات الاوان...وفي كمان فلسفة حلوة عن الحياة
هاد ملخص بسيط للكتاب عشان اللي حابب يقرأه...بس أنا اللي لفتني عنوان الكتاب...مين الشخص اللي بتتمنى لو تقدر تقعد معاه لو يوم واحد بس؟وشو رح يعمل هاليوم اختلاف بحياتك؟


هناك 5 تعليقات:

Rula A. يقول...

ممكن يكون يوم مع أبوي -الله يرحمو- عشان أحكيلو كلشي صار من يوم ما توفى وكيف اني تخرجت من الجامعة وبشتغل هلأ.. وبدي أخد رايو بكم موضوع.. واكيد راح أحكيلو قديش بحبو وإني إشتقتلو كتير..

Whisper يقول...

شكله الكتاب كتير حلو, الي فتره بدور على كتاب حلو اقرأه
هي تاني كتاب سمعت عنه حلو بعد كتاب
shanghai girls
اللي حكتلنا عنه سوزان
شكرا وان شاء الله عن قريب بجيبهم

صدقا لو خيروني بختار اقضي يوم مع الرسول صلى الله عليه وسلم, مع اني بس افكر فيها بستحي من حالي شو راح اجاوبه لو سألني انا شو عملت شو راح اجاوب :$

الله يهدينا و يرحمنا برحمته

Noura يقول...

It is a beautiful book and I believe there is a movie based on it too.Anyways, if I were to chose a special person to spend a day with, I would pick my father who passed away long time ago. Like Rula in her comment said, I would love to show him where I am right now,what I achieved and how much I have grown up in his absence, and most of all let him know how much he is missed.

مواطنون بلا حدود يقول...

ٌRula A. و Noura الله يرحمهم و يرحم أمواتنا جميعا..صعب تعويض الغياب..أحيانا الحياه بتكون قاسية و بتاخد ناس صعب تملي الفراغ اللي تركوه
Whisper... هو أنا جوابي قريب منك...بس أنا بتمنى أروح أشوف قديش كانت الحياة قاسية بأول الدعوة مشان تروح كل الحجج اللي عم بتحجج فيها انه الالتزام الديني صعب...بس أنشالله الله يكتبلي زيارة النبي (ص) قريبا بما انه صرت بالسعودية...الله يجعلنا جيرانه بالجنة
شكرا لمروركم...لأني حسيت ما عاد حدا قرأ المدونة صراحة :)

مياسي يقول...

صراحه مش عارفه مين بدي اختار

بس عجبتني فكره انو كل شي بيبدا من علاقتك بعيلتك

لانو الصراحه شيء واقعي جدا ومزبوط

شكله الكتاب حلو؛ بحب الكتب اللي بتحكي عن تجارب شخصيه