الاثنين، 11 يوليو، 2011

أسماء



مرحبا...
بعد غيبة قصيرة عن المدونة كنت لا زلت قريبا من مدونات الاصدقاء و مطلعا عليها دون انقطاع
حدث معي 3 أشياء ...نزلت اجازة و أخذت دورة PMP
لكن أهم حدث هو أننا عم نستنى عضو جديد في عائلتنا الصغيرة ... عواصف من الأفكار و التجارب و خليط من الفرح و القلق و التعب تجعل التجربة تبشر بحياة جديدة و مختلفة كليا
الاسبوع الماضي الدكتور خبرنا أنه عالأغلب المولود حيكون بنوته
لا أخفيكم انه هذا ما تمنيته كوننا 3 شباب بالعيلة كتير من الأحيان كنت أحس أهمية وجود انثى في حياتنا تضيف لمسة رقة و جمال للبيت...الحمدلله أنه ربنا عوضنا عن هالموضوع ...ن شاء الله ربنا بيكمل بالسلامة و بتوصل بصحة و عافية
هلأ بدي مساعدتكم باختيار اسم للبنوته مع استثناء الاسماء حلا و راية و زينة لأنهم أقوى المرشحين حاليا و طبعا أحلى اسم (سارة) اللي هوه اسم زوجتي...يللا ورجوني همتكم
واللي بيختار اسم و بيطلع هوه رح أعزمه عالعشا بالمكان اللي بيختاره بعمان (بشرط مش أكتر من ليرتين و خمسة و سبعين قرش )

هناك 15 تعليقًا:

UmmOmar يقول...

بيسان -- إسم بنتي
لامار -- بنت أختي متل القمر
رهف
ريتاج
رنده
رند
عبير
ياسمين
ريما
ريناد
ريماس
دارين
لين
رسيل :الماء العذب
لوجين: الفضة السائلة

هدول اللي تزكرتهم,, ومتواجدين حوليني كتير


**مش مسامحك بالعزومه,, حتى لو بنص نيره كماناه

مبارك سلف عموو,, تتربى بعزكم وتشوفو ع وشها الخير والبركه يارب

jafra يقول...

طيب و اللي مش بعمان شو يعمل ؟؟؟
يعني جائزتو شو بتكون :))
بمزح

يا رب تيجي امورة و قوية انا بحب البنات اكتر ( عنصرية صح ؟) :) و بالنسبة للاسماء ممممممممممممم
عندك سلاف كتير عم يدرج هادا الاسم
ريماس كمان
بس هيا و يارا قراب على القلب
و لجين حلو
وشو كمان ممممممممممم
بفكر و برجع

jafra يقول...

شكرا الك انك رجعت :))))
لازم تسمع التيتشر لما بتحكي شي
لانو لمصلحتك
:))
نورت

Haitham هيثم Al-Sheeshany الشيشاني يقول...

أهلا ً أهلا ً اهلا ً بالعودة
و مبروووووووووووووووووك

:)

بدك أسماء؟
هي أم عمر خلت شي!

أنا بحب الأسماء العربية الأصيلة عموما ً ؛

همممممممم

مريم
صفاء
حنان
عائشة

Whisper يقول...

الف الف الف مبروك وربنا يجعلها من الصالحات يا رب اللي تدخل بسببها الجنه انت و والدتها :)

الي رجعه للاسماء لانه مش خاطرلي شي حاليا غير ان اسم سارة هو اول اسم بقترحه دائما :)

naysan يقول...

الحمدلله على سلامتك والف مبروك على الاخبار السعيده...ان شاء الله بتشوفوها على خير وسلامه.

جنى
دانيه
رفيف
ميرا
رند
مرح

بس طبعا بالنسبه لي زينه هو احلى الاسماء

UmmOmar يقول...

@هيـــشم

إنت واحد غيرور,, غيرااااااااان
ناناناناناناااااااااااه

Haitham هيثم Al-Sheeshany الشيشاني يقول...

@ummOmar
حد قال غير هيك أصلاطن؟ :)

مواطنون بلا حدود يقول...

العبوا سوا...
قيموا الخلافات الجانبية و ركزولي عالموضوع الأصلي...شدوا حيلكم يالله

UmmOmar يقول...

ماشي عمو بتمون


بس نصيحه إتأنى كويس لمى تسمي بنتك
هالإسم رح يلزقلها طول عمرها
وإزا هلأ حبيت الإسم عشنه موضه وموديل
بكره بنت رح بتخنئك إزا لقت حالها أولد فاشن بالإسم

إختارلك إسم,, مش موديل
يعني مطلعش جديد وإختفى بسرعه
مش تروح إتسميها كساندرا؟؟


سلام,, بطلت أحكي شي هون,, إنكحشت عشان هيشم,
بكرهك يا هيشم

مواطنون بلا حدود يقول...

له يا عمي شو انكحشتي...المدونة الك و احنا ضيوف عليها....على سيرة ضيوف وين الشاي؟؟
حاليا النومينيز همه لين و تالا و زينة...ممكن يتغيروا حسب تصويت الجمهور و لجنة الحكم...أهم اشي الأسم يكون ناعم حتى يمثل انوثة البنت حتى لو كان الاسم قديم

Haitham هيثم Al-Sheeshany الشيشاني يقول...

أنا مكروووووووووووووه

ترررررتح "صوت طبلة يعني"
اسمي مكروووووووووووووه

:)

--
شكلو حننكحشمن هون! تحملنا يا "أب" :)))

UmmOmar يقول...

البيبسي على النار,, إستنالك شوي

أنا بصوت لإسم زينه

صدقن ما عمري شفت بنت إسمها زينه ومكنتش محبوبه وبتدخل القلب بسرعه

أه,, انا مأمنه ب مقوله إنه كل واحد إله من إسمه نصيب

إحترامي ,,,

مواطنون بلا حدود يقول...

لا ما حدا بينكحش من هون...هي المدونة بيت مفتوح لكل المدونين من شتى الأصول و المنابت و الفلافل كمان...
اسم زينة هو الأقرب لقلبي بس لنشوف الله شو بيسر

لبنــــــــــى يقول...

انا بصوت لاسم لين
لين
لين
و زينة حلو
لا
لا
لين احلى