الأحد، 15 أغسطس 2010

خلصت الاجازة

خلصت الاجازة و رجعنا عالسعودية....دايما الواحد بيحس انه الاجازة بتمر طيران...و أصعب شي الرجعة عالدوام...بس منيح انه الرجعة اجت برمضان و الدوام خفيف...صحيح كل سنة و انتوا سالمين
شو انطباعي عن الاجازة؟ ممممم....كتير مشاعر مختلطة, و أنا اجازتي مقسمة بين عمان و دمشق بحكم انه زوجتي سورية....فكان الانطباع بيختلف من يوم للتاني...حلوة, بتزهق, عجقة, قصيرة, طويلة...يعني حسب الوضع...بس الشيء الأكيد كان طول الاجازة هوه الشوب...مش معقول...يعني مزبوط عايشين بالخليج و الحرارة نار و رطوبة...بس وين ما كان في مكيفات...بعمان انتا و حظك...الله يعين العالم عن جد....اللي كان يهون علي الشوب لما نروح على الشام و نطلع بلودان...كأنك بدلت الفصول ... سبحان الله
انطباعي عن الاردن انه لسه حلو و بلدنا اللي بنحبها....بس حسيت انه البلد ما عم تتطور...لسه شغلات سخيفة و مش منطقية المفروض عالجناها زمان موجودة عنا ... و الشعب كل ماله عم يصير أسوأ (طبعا مش الكل هيك)
وانطباعي عن الشام دايما حلوة....بتحس المدينة فيها روح و مليانة حركة و تفاصيل الجمال فيها بكل مكان
على كل حال التفاصيل بحكيلكم اياها بعدين
هلأ بس حبيت أسلم عليكم و أعايدكم برمضان... رمضان كريم و للحديث بقية انشالله



هناك 5 تعليقات:

Whisper يقول...

كل عام وانت بخير...رمضان كريم

الحمد لله على السلامه
ومهما كانت الاجازه فيها منغصات...حتضلها ذكرى حلوة لفتره ان شاء الله :)

مواطنون بلا حدود يقول...

الله يسلمك يا رب...
مزبوط...شو ما صار الاجازة بتضل اجازة بس الواحد بيحي يشوف بلده عم تتطور للأحسن

نيسآان يقول...

الحمدلله على السلامه ...حلوه الاجازه شو ما كانت تكون ...بيكفي كسر الروتين....بانتظار التفاصيل

sheeshany يقول...

الحمد لله على السلامة
وقت الإجازة بيمر سريعا ً فعلا ً و ما بتحس فيه

لبنــــــــــى يقول...

حمد الله على السلامة
الكل بالفعل عم يشكي من الحر هاي السنة
بس المهم تغيير الجو و الروتين

كل رمضان و انت بخير