يا عمي جو الاجازةغير...نفسيته الواحد بتكون حلوة و مروق علأخر....ما بيفكر بأي اشي...لا بشغل و لا بمصاريف و لااااااا اشي
شعور انك حتشوف أهلك و أصحابك و جيرانك و أهم شي مرتك :)
حتى مع اني ما تعرفت على حدا فيكم شخصيا بس مجرد فكرة انه ممكن أصادف أي حدا فيكم بالشارع أو بمطعم أو عالأشارة حتى لو ما عرفنا بعض بتخليني مبسوط
و برغم كل المشاكل اللي بنسمع عنها بس الأردن بيضل أحلى
يا أخي الشعور غير لما تكون بين أهلك و ناسك
من الصبح و أنا بغني أغاني السفر...حمد الله عالسلامه يا جاي من السفر يبع راغب علامة و تبعة عمرو دياب حمدالله عالسلامه هلا هلا اشتقنا ليكم ياما...و كل اغنية فيها كلمة سفر أو استقبال ... يعني المزاج رايق عالأخر الحمدلله...انشالله يضل هيك
يالله ادعولي أوصل بالسلامه و بنشوفكم على خير انشالله
هناك 3 تعليقات:
صباح الخير
توصل بالسلامه ان شاء الله
بتمنالك اجازة سعيدة
و تضل هيك مبسوط :)
و سلم على عمان كتييييييييييييييير
ان شاء الله بتوصل بالسلامه وبتلاقي الجميع بألف خير :)
انبسط قد ما بتقدر واطلب من خالتو الطبخات اللي بتحبها حتى ولو زوجتك الله يخليلك اياها بتطبخهم زاكي ,كتير بحس ماما بتنبسط بس واحد من خواني يطلب اشي :)
وضلك مبتسم على طول :)
إرسال تعليق