- قبل كم يوم كان في جدل على حصص دول حوض النيل في مياه النهر, طبعا الدول الافريقية عملت اتفاق بينها و حلقت لمصر عالناعم...سبحان الله, قامت الدنيا و لم تقعد في مصر بسبب مباراة كرة قدم, و الدولة هددت من يمس كرامة مواطنيها (الكروية) و الاعلام المصري ردح حتى شبع, بس على موضوع استراتيجي و مهم زي المياه لا حس و لا خبر...تذكرت البيت اللي بيقول:
أسد علي و في الحروب نعامة
- ستقوم الحكومة الاسرائيلية بطرح أملاك الغائبين لأصحابها الفلسطسنيين في مزادات تخالف كل القوانين الدولية و الانسانية بس طبعا اسرائيل ما بتفرق معها...ولكن في المقابل هذي فرصة لاعادة شراء هذه البيوت من قبل أغنياء العرب و تثبيت ملكيتها العربية كرد فعل لمحاولات تهويد فلسطين...يعني شيء ما بنقدر نمنعه ليش ما بنستفيد منه؟ و هيك بنفتح باب الجهاد بالمال...بس العرب كعادتهم ما تحركوا....اشي بيقهر, عقارات بالملايين تشترى في الدول العربية من قبل الخليجيين كمصايف تستعمل كم شهر في السنة بس موضوع مهم زي هاد ما حدا بيتحرك فيه...لا حول ولا قوة الا بالله
هناك 4 تعليقات:
بالنسبه للنقطه الاولى ما اعتقد ان غير بالخليج بتسمع هالكلام, بتحسهم تعودو عالموضوع, كأنهمن بحكو لحالهم بدو يصير وبدو يصير لا خلينا نستفيد.
بس لو اجيت لرأي الاغلبيه, مثل ما سبق وكتبت انا شخصيا بغتاله :)
" مجتمع ذكوري" ما بنفع نعمم و مش بكل المواضيع, بافكار معينه وبعقول اشخاص معينين, اللي بفسر اي شي بدو هو يمنعه على اساس ان " انتي بنت" بدون اي اساس ديني ولا تقليدي, بدون احكام وشروط و مبدأ واقعي و واضح :)
الموضوع التاني, مخلص صارت واضحه....اللي بفصلوه بعض جماعه بدهم يلبسوه بمصر.... مبينه
كتير بقهرني بس اسمع خبر عن قرارات يهوديه او امريكيه باشي بخص شعب عربي موجود واله قيادته, مين انتو لتقررو ؟؟ وبرجع بحكي لولا تخاذل الشعوب ما بسترجي حد يحكي و يقرر, بس الكل نايم او بعمل حاله نايم
حسبي الله ونعم الوكيل...هاد اللي بنقدر نحكيه
wallahe ma a3taqed enno el mawdoo3 bs bel khaleej...ana ba7eb 2a3dat el niswan wo asma3 shu 3ndhom 2esas...wo lamma el shab yeje yokhtob benet kter btesm3i 3ebaret zayha zy ekhwat-ha aw bnat 3ammha...aw enno e7na msh talbeen kteer ma tenso ento makhdeen doktora...wo haik el nas btotlob hal ayyam...ya3ni ba7es el benet sel3a sarat...wo fe sha`3leh sme3t-ha sadmatni enno fe ahali beshtaret el khateeb ya3ti khateebto rateb shahri wo kol masareefha 3alaih, m3 enno lessa rasmeyyan ma sarat marto...ba7es enno e benet mowazzafeh wo entaqlat la molkeyyet shakhs tani howeh el mas2ool 3anha...el wade3 ma2sawi sar wo ma banker enno el ahel 3alaihom jozo2 kbeer mn el khata2
shokran l2ennik motabe3a mostamerra lal blog wo shklik el wa7eedeh :D
صباح الفل يا مواطن وجمعتك مباركه
رح اعلق على النقطه الاولى ...في اوقات كتير بيكون الزوج نكد كتير...زياد عن الطبيعي ومتطلب جدا ومن النوع المتعب نفسيا...في هذه الحاله لا ارى اي غلط في ان توافق زوجته الاولى على زواجه الثاني بشرط ان تضمن انه سيعدل ....عداله ماديه على الاقل ... هذا حل منطقي احسن من الطلاق وخراب البيوت وبيخفف ضغط عن الزوجه الاولى لكن الشرط الاهم زي ما ذكرت هو توفر القدره الماديه عنده ليصرف على بيتين وان لا يهمل بيته واولاده من الزوجه الاولى.
اما النقطتين التانيه والتالته لا اقول سوى حسبي الله ونعم الوكيل...زهقنا من النفخ في قربه مقطوعه
بصراحة نقاط و مواضيع بتشل :)
بس الحلو انو نحنا لهلا بنسمع و بنستغرب يعني لهلا الامل موجود
بصراحة موضوع المذيعة و السؤال خلاني ارجع مرتين للبداية
يعني تكوني المراة التانية
صدمة انها اللي عم تحكي فرضيا هي المراة الاولى
و شروط مادية بحتة
يعني القصة بيع و شرا
وصلت انو العلاقة الانسانية تتحول لسيارة بس ليش عم نستغرب ما هو الرجال اللي بوصل مرتو لمرحلة انها تزايد عليه بهاي الطريقة بستاهل
بالنسبة لمياه حوض النيل لا تعليق انت كفيت ووفيت الحقيقة
اما النقطة التالتة اللي شدتني هي نوعية تعاملنا مع القضية يعني قبل ما نلوم اغنياء العرب ممكن بس نفكر باغنياء الفلسطينيين و المؤسسات و الحركات اللي عم تلهف على الطالع و النازل يعني جربنا موضوع العرب النا 62 سنة صار وقت نحنا نتصرف لانهم ما بمونوا على حالهم و ما تنسى انو اغنياء العرب كلهم ما بفرطوا بمصالحهم اللي مرتبطة بشكل مباشر او غير مباشر باسرائيل يعني القصة واضحة و من زمان
نشكر الله الي فترة ما عم اسمع اخبار
إرسال تعليق