السبت، 9 يناير 2010

اللي استحوا ماتوا

امبارح كنت عال Facebook و لقيت كل البنات عاملين ال status تبعونهم بالألوان...وحدة كاتبة Blue فانا بحسن نية فكرتها مكتئبة...بعدين بلشوا الصبايا...على اسود و زهر و بيج...انا فضولي كان رح يقتلني...دورت دورت و لقيت group

breast cancer awareness ♥ I updated my Status with my Bra colour ♥
ووصلني هاد ال Link

يعني جد جد مش عارف شو بدي أقول...لا و الحلو انه البنات مقنعين بالفكرة و انهم من كل عقلهم مفكرين انه عم يدعموا الحملة...يعني بس فهموني ...أنا زلمة رجعي و متخلف...موافق, بس فهموني كيف ممكن هالاشي يدعم حملة غبر حملة (قلة الحيا)
بالله اذا حدا عنده فكرة يحكيلي...لأنه أنا صراحة مش عارف أحكي و لا اشي...لساني انربط
بس يا رب ما تطلع حملة لدعم المصابين بالبواسير :)
على فكرة ... شر البلية ما يضحك فعلا...و اللي استحوا ماتوا خلص


هناك 4 تعليقات:

Rula A. يقول...

أيوا يبقى هيك القصة!!!! أنا كنت مفكره إنو أبلكيشن ذي هدول إنو اش لون عيونك لازم يكون إلخ..
ولا اشي هيك طلعت القصة وما شاء الله البنات نازلين يكتبوا ومبسوطين!! جاد إلي ستحوا ماتوا!!

Ahmad Merie يقول...

yeeeeeeeeeeeeee kol had beseer 3l facebook men waray?! e5ss!!!

LooooooooooooooooL

Whisper يقول...

دايما بنضل نفكر ان في مجموعه من الجيل الجديد وصلو للحضيض و لكن دايما بصدمونا انه لسّاتهم بغوصو

جد اشي بخزي ...

Sataney يقول...

بتعرف شو احلى اشي؟
عندي عالفيسبوك صاحبات من روسيا، روسيات يعني، سلاف اصليين ما طلعوا من روسيا بعمرهم... لما صارت هاي القصة، وحدة كتبت الستاتس تبعها لون عأساس انو لون شعرها، وحدة كتبت لونها المفضل... و بس اكتشفوا شو قصة الستاتس الـ"لون"، كلهم اعتزروا عن اللي كانوا كاتبينو و وضحوا شو كان قصدهم باللون اللي كانو كاتبينو و انو هم اكيييييد لما كتبوه ما كانو يعرفوا عن الجروب، و تناقشوا كتير بالموضوع و استنكروه انو عيب! كيف هاد الاشي ممكن يزيد الوعي بالسرطان؟ و عم يحكو بين بعض انو هاد الحكي عيب و قلة حيا :-)

سامعينا بنات الأردن؟ الرووووسياااات عم يستنكروه و يقولو انو عيب... و بنات الأردن كلّحو و بطلو يستحو!

الروسيات يا بنات الأردن! شو عيب كتيييير المحل اللي وصلنالو!