الجمعة، 25 ديسمبر، 2009

Merry Christmas and Happy New year

اليوم الجمعة...ملل ملل ملل
فتحت ال Facebook كان مليان تهاني لأخواننا و أصدقائنا المسيحيين
أنا فقدت الاحساس بأي عيد من فترة لأمه العيد هوه نفسه فقد كتير من معانيه
صراحة كل الأعياد صارت بتعمل نتيجة عكس معناها...يعني صار النا قرايب ما نشوفهم الا من العيد للعيد بس لأنه مش ضروري نعمل صلة رحم ...وما بنتذكر نقول لأمهاتنا الله يعطيكي العافية الا بعيد الام...و الحب بين الرجل و مرته صار بس بعيد الحب
أنا كمان شايف انه ما في شي حوالينا بيستاهل نعيد مشانه...أوضاع العراق و غزة و غيره كتير بتخلي الواحد يخجل انه يفرح
بس امبارح شفت منظر الاطفال ببيت لحم عم يحتفلوا و من غزة و العراق بعيد المسلمين الاطفال و الناس مبسوطين رغم الحصار و الاحتلال...بتحس اديش الانسان جبار و اديش بنقدر نخلق الفرح من وسط الحزن
لازم نضل نفرح مهما صار و نضل ندور عالامل لو كان على ضوء شمعة
بس الاهم ما ننسى اخواننا في فلسطين و العراق و في كل مكان
كل عام و انتم بخير
هي الاغنية عجبتني و بتشرح اخر نقطة حكيتها

هناك 3 تعليقات:

Yazid يقول...

:) merry christmas for our brothers the christians ppl :)

and thanks for reminding us about ppl the celebrating all there great moments even in the pain they're living in :)

Whisper يقول...

كتير دروس بنتعلمها من اهلنا اللي عايشين بفلسطين

الله يقويهم و ينصرهم

وربنا يخلّي اللي ناسيين والمتناسيين يصحو

كل عام وكل يوم والجميع بالف خير :)

Rula A. يقول...

الله يخفف عنهم