الثلاثاء، 22 ديسمبر، 2009

قوم عندك دوام

صباح الخير..
يمكن اليوم أول مرة بصحى نعسان لهالدرجة...أصلا أنا مش كتير متأكد اذا صحيت ولا لأ
يا ترى ممكن الواحد يشبع نوم؟
ليش لازم نصحى كل يوم عالدوام بدري؟
كنت اسمع عن اصحاب الي انه دوامهم مريح...يعني بيروح ايمتى ما بدو بس المهم يداوم 42 ساعة بالاسبوع..يعني كل واحد ملك نفسه
يا الله شو كنت احسدهم...و أضل أفكر ليش أنا حظي هيك؟
و مرة قدمت على شغل بالسعودية كانت المكتب هوه البيت...تعني ممكن أداوم بالبيجاما أو يحكي معي زبون أقوله اسف ما سمعت تلفونك كنت بتحمم...والله الفكرة كانت عاجبتني...بس انا بطبعي بحسبها كتير فما وافقت
الخلاصة انه لا يمكن تحس حالك شبعت نوم...من أيام المدرسة لأيام الجامعة و الشغل كان الوالد يصحينا بكير
بكير زيادة شوي...لأنه برأيه مش لازم البني ادم يصحى على دوامه فورا...و كان من أنصار اطلع ابكر ما بتعرف شو بيصير معك عالطريق
بعدين رحت على دبي و صار الواحد لحاله يعني خلص رح اشبع نوم و أخيرا...بس على مين يا معلم..اذا ما بتصحى بكير رح تعلق بالازمة
وهلأ اجيت عالسعودية بلد الكسل و النوم...محسوبكم تجوز و من يومها نسيت النوم و أحلامه...لأنه زوجتي الله يخليها فوق راسي ما بيحلالها الحكي الا وقت النوم...و طبعا هيه نايمة منيح و انا بالشغل
حاسس الموضوع تافه بس هادا اكتر شي ممكن يطلع معي و انا بهيك حالة
و بدي أفش غلي ... بدي أنااااااااااااام
سلام

هناك 9 تعليقات:

Yazid يقول...

hehehehehhe
أنا دوامي عالساعة 8:30 بصحى عال8:05 ما بتعرف كيف hehehe
و يوم الجمعة بكون أستا في عشان أنام بس مع التوقيت الشتوي بتصير الصلا أبدر و لازم أصحى D:
فاليوم الوحيد يلي بنام في منيح هوه يوم السبت :)

Dr.Mohammed يقول...

i am following your blog, do you know why?

because you like sleeping late like me !!! hehehe and hate walking early !

مواطنون بلا حدود يقول...

Yazid...انا ما بعطل سبت..اللهم حسد
Dr. Mohammed...المشكلة اني بحب النوم بس ما بقدر انام بكير ولا بقدر اصحى متأخر

Reem يقول...

Ballahi la tishkeeli babkeelak!

مواطنون بلا حدود يقول...

Reem...والله نورت..ما رح اشكيلك لأني بعرف انه عندك ادمان نوم

Ala' JA يقول...

I think it would be a bad idea to tell you that I sleep on average 12 hours a day....

:)

مواطنون بلا حدود يقول...

Not at all...this is my target for the next year loool

Whisper يقول...

زي ما حكا يزيد
بالتوقيت الشتوي ما في نوم الجمعه علشان الصلاه
لهيك انا يوم السبت عامله قانون ان السبت الي ما حد يصحيني و بصحى لحالي, وبس يعترضو بحكيلهم اذا الحكومه اعطتنا هاليوم عطله مدفوعه الراتب انتو ليش تعترضو :))

احلى اشي بالدنيا النوم...ليش الحكي :")

مواطنون بلا حدود يقول...

انا ما بعطل سبت فما تخلوني أحقد عليكم
بعدين احنا التوقيت عنا بالخليج ما في صيفي و شتوي فما بتفرق
بس المشكلة أنه حتى أيام العطل بتلاقي كل الاشياء اللي انت مأجلها طلعتلك