الأربعاء، 30 ديسمبر 2009

يومي باختصار

التهاب حاد بالجيوب الانفيه نتج عنه وجع راس مخليني افكر اجيب مفك أغزّه براسي...و عيوني حمرا والشرر بيطق منها فالكل متجنبني
وصراع مع حالي اخد حبة Panadol Sinus ولا أصمد كوني ما بحب الدوا
هادا غير اني ما نمت منيح امبارح و حاسس رح افقد وعيي من النعس و قلة النوم
عندي شغل متلتل و مش عارف كيف بدو يخلص و أنا بهالحالة...فقررت أعطي حالي نص اجازة مرضية...يعني ما بروح, بضل بالدوام بس ما بشتغل اشي لأني مش قادر و مش طايق...قررت أقضي اليوم عال Facebook و لأجل الصدف السعيدة اليوم خربان
فهيني قاعد عم بقاوم النوم...وهاي شغلة كتير صعبة صدقوني...و منيح انه الكل حاسسني اليوم مقبعة معي فعم يتجنبوني
الله يمضي هاليوم على خير
سلام

هناك 7 تعليقات:

Whisper يقول...

سلامات سلامات
انا مع انك تاخد الدوا..لانه حالتك متقدّمه مش اشي عرَضي و بروح

الله يعينك على باقي ساعات الدوام...اذا في عندكم بوفيه اطلب ليمون منيح لحالتك

Unknown يقول...

hello :)
i hope you'll get well
but lets not make our blogs diaries :)

Ahmad Merie يقول...

Salamaaaaaaaaaaaaaaaaaat Brother..
Faddi ur cup:P

مواطنون بلا حدود يقول...

Whisper...شكرا الله يسلمك
ِAhmad Merie...الله يسلمك يا صديقي
Yazid...شكرا كتير
رأيك أنا طبعا بحترمه..وانت عندك خبرة أكتر مني بالتدوين...بس أنا برأيي أنه المدونة هي تعبير عن الأفكار اللي بتدور ببال المدون.....يعني مساحة شخصية للمدون يحكي فيها أي شي..أحيانا تكون أفكار غير مهمة للبعض و لكنها قد تحمل أشياء مستفزة للنقاش للبعض الاخر و زي ما بيقولوا سيرة بتفتح سيرة...من هون بتيجي أهمية التعليقات...المدونة الشخصية ليست مساحة اخبارية يا صديقي..هي مساحة مشاركة للأفكار التي قد تحفز أو لا تحفز نقاشات للقراء...مثل ما تفتح على قناة بالتلفزيون...ممكن اليوم تعرض برنامج ما بيهمك تتابعوا...بس بكرة أكيد بيجي برنامج بيهمك...وكمان مرة شكرا على رأيك اللي بحترمه طبعا
وصباح الخير عالجميع

Rula A. يقول...

Salamtak,, Get well so0on :)

نادر احمد يقول...

سلامتك الف سلامة
انا على فكرة عانيت زمان من التهاب الجيوب، ونصيحة لوجه الله تعالى، اغلي بابونج واستنشق بخاره، والله هاي مجربة انا الجيوب بطلت ترجعلي من يومها، ضلك استنشق بخار بابونج لمدة عشرين او تلاتين يوم وعمرها ما راح ترجعلك، واشرب كاسة كاملة منو بس لمدة عشرين يوم وما تزيد على هيك لانو كتر البابونج مش منيح

Unknown يقول...

Get Well soon
and a HAPPY NEW YEAR MAY MAKE U FEEL BETTER ??:P