الجمعة، 1 يناير، 2010

يوم جديد...عام جديد

امبارح كنا مخططين نسهر للصبح...طبعا بالسعودية ما في مظاهر للاحتفال مع هيك الازمة كانت لا تطاق..
والتلفزيون ما كان في شي مميز...ضليت عال Facebook والناس تهني و تبارك
المهم قبل الساعة 12 كنت نايم...
وصحيت...حسيت زي يوم العيد..فقمت بدي أشوف مظاهر العيد...فتحت الشباك..الشارع ما في أي حركة
رجعت عالغرفة مرتي نايمة...اطلّعت عالمراية...نفس الكرش ونفس الشعرات بنفس معدل التساقط...ونفس البيجاما
باختصار نمت و صحيت بدون أي تغيير...طب ليش الدوشة كانت امبارح؟
الناس كلها كانت عم تحكي عن البدايات الجديدة...وخطط السنة الجاي..وانه السنة الجديدة هي سنة التغيير للاحسن
طيب أنا صراحة ما شفت تغيير بين امبارح و اليوم...ولا حتى بين الشهر الماضي و الجاي
أنا ضد هالتسميات و ضد هالافكار
اذا بدنا نتغير لازم نبدا فورا و ما نستنى تواريخ معينة للبدايات الجديدة...ولا شو رأيكم؟
سنة جديدة انشالله علينا و عليكم سعيدة

هناك تعليقان (2):

Whisper يقول...

" قبل الساعة 12 كنت نايم" هههههه جد ضحكتني وكمان ما شهدت الدقائق الاولى من العام الجديد....مش مشكله ما راح عليك اشي

انا وصاحباتي اتفقنا انّا نصلي قيام ليل و يبدا العام الجديد واحنا ساجدين..كتيييييييير عجبتني الفكره وهاد اللي صار :)

معك حق المفروض ما نستنى يوم معين لنغير من انفسنا او نغير شي من حياتنا المفروض نبدا بنفس اللحظه

كل عام وانت و زوجتك والاهل بخير
ان شاء الله تكون سنه خير عالجميع و ان شاء الله اللي ما قدر يحقق اشي يحققه بهالسنه.

مواطنون بلا حدود يقول...

Whisper...فكرة حلوة كتير و انشالله الله يتقبل منكم...وانشالله بتكون سنة خير علينا و عليكم وعلى الامة العربية