الاثنين، 21 ديسمبر 2009

قول للزمان ارجع يا زمان

صباح الخير...
ما بعرف ليش خطرت على بالي الاغنية اليوم الصبح مع انه مش وقت أم كلثوم أبدا
يمكن لأني لسبب من الاسباب امبارح عملت جردة لحياتي و كان نفس أغير أشياء معينة فيها...
بالمجمل كنت راضي عن حياتي...بس كنت أتخيل لو قدرت أغير أشياء معينة شو كان رح يصير؟
ليش اختراع الة الزمن ما نجح؟
يا ترى في وقت اتدارك اللي راح والا خلص ؟
هل هذا كافي يعطينا حافز نخلي قيمة حياتنا أكبر و نفكر 100 مرة قبل ما ناخد قرار؟
هل من العدل انك تكون في مرحلة انه لازم تاخد قرار يمكن يغير حياتك مع انه عالأغلب ما بيكون عندك خبرة حتى تاخد قرار صح؟
يا ترى لو الانسان كان يعرف قديش معه وقت بهالدنيا كان رتّب حياته بصورة أحسن؟
ما بعرف بصراحة...اللي بعرفه انه في تغيير كبير في أسلوب حياتي لازم يصير...وقريبا انشالله
لو اجت فرصة ترجع بالزمن...شو بتغير بحياتك؟

هناك 10 تعليقات:

Sofftheme يقول...

دائما يخذلنا الزمن

لو الأنسان خلق بخبرة لكان رتب حياته أفضل.... لكن ثمن الخبرة سنوات

على ما يبدو انها مشكلة الجميع ... العبرة فيما يأتي من اللذي مضى

Unknown يقول...

مساء الخير
لو رجع فيني الزمان ...
ما بغير شي تغيير جذري لكن بحاول
ما أضيع شي من ايدي .. :)

حلوة الفكرة :)

Unknown يقول...

i would've start learning the guitar earlier and learned the violin and
the Piano too :D

now its too late hehe

مواطنون بلا حدود يقول...

ثائر جبر..أهلا فيك, الموضوع هو انه هل رح يكون في وقت حتى تستفيد من الخبرة اللي رح تجنيها؟انا بحس انه الانسان لازم كان ينولد بخبرة...أو يعيش حياتين..الأولى ياخد فيها خبرة و التانيه يعيش حياة خطط لها مزبوط..بس بالأخر هي حلقة مفرغة لأنه الانسان رح يضل ياخد خبرة من مواقف يومية...و كمان لو كل شيء كان محسوب و متوقع كانت الحياة فقدت جوهرها و معناها
Farah Batarneh...طيب سؤال ما دام ما بدك تغيري شي فكيف بتقولي انه ما بتضيعي شي من ايدك؟معناها في اشياء كان نفسك فيها و ضاعت..صح؟
Yazid...ما اظن انه الوقت متأخر...جوهر الكلام اليوم كان انه الوقت المتوفر معك هلأ اذا ما استغليته اليوم رح تتحسر عليه بكرا...انا مثلا قررت اتعلم فرنسي..ليش انتا ما تتعلم violin؟

Ahmad Merie يقول...

ya rait law yerja3 el zaman la 10 sneen la warah:((

bel nesbeh lal wa2t elle el wa7ad be3raf adesh dayello.. laymoot wella lasho belzabt?

مواطنون بلا حدود يقول...

Ahmad Merie ... ليش 10 سنين؟شو حابب تغير؟
يعني يعرف الوقت اللي ضايل ممكن ينجز فيه...ممكن البني ادم يموت أو يضل عايش بس مش موجود...اللهم عافينا

Ahmad Merie يقول...

بصراحة أنا ضيعت 8 سنين من عمري (4 فعليا و 4 تصليح للأربعه اللي قبلهم بطلع المجموع 8) و 2 الباقيين هم اللي ضيعوا الـ 8
فهمت شي؟

مواطنون بلا حدود يقول...

لا والله...

Reem يقول...

Kbeeeeeeeeeeeeeer wala ya..... Muaten! tayeb leesh moo kateb ismak! yala mashee!
awlan, mabrook and welcome to the blogging world
tanian, you are a reason i came back to blogging
talitan; i would change many things if i go back.. bas ma3 heek ana moo nadmaneh 3ala ishi hala2, 3ashan fe3lian i7na hala mn2ool ino we will change things because we know better than we did at that time, but the truth is that if we go back with the same mindset and knowledge and attitude we will make the same choices,,, and this is the charm of life,, you do some choices in your life, you discover they were wrong, thats fine, if you were smart you will learn to expand this experience in your life and learn from it in different situations.. ya3nee t2ees 3ali sar ma3ak 3ashan tqarer bil tajrobeh il jdeeded ili awal mara tmor 3aleek!
keef bala ha falsafeh 3ala il sobo7?? o kaman 7'abset engleezeee o 3arabii tamam!!

مواطنون بلا حدود يقول...

ٌReem..بالنسبة لأول 3 جمل من التعليق تبعك فشكرا و خجلتيني
و بالنسبة للباقي حاسس انه لازم اشرب فنجان قهوة تاني لأني مش فاهم اشي...لسا الدنيا الصبح كيف بطلع معك هيك كلام؟