حتى ال Farmville فزعوا لهاييتي...و غزة ارتكبت فيها أبشع جرائم الحرب و انتهاك الحرمات الانسانية وما حدا قال شو هاد اللي عم بيصير...ما حدا بكي عليها و لا عمل مناحات...ولا Oprah صارت تقول بدي أساعد...مع أنه اللي صار بغزة من حيث الكيفية اللي صار فيها كتير أبشع من اللي صار بهاييتي...و صار عالهواء مباشرة مثل فيلم رعب مؤلم والعالم دار ظهره للي عم بيصير و سكّر عيونه...اللي صار بهاييتي كان بلحظات و ما حدا كان قادر يمنعه بس اللي صار بغزة كان في وقت كبير كتير ممكن كنا نمنعه أو نوقفه...بس برضه ما حدا تدخل
هل احنا أولاد البطة السودا؟
هناك 6 تعليقات:
نحنا فعلا ولاد البطة السودا ..
و نحنا عايشين بهالسواد اللي ولدتنا عليه امنا البطة الضعيفة اللي ما فيها تعمل شي
زلزال هايتي عجق الدنيا ..
بحكولك اهل غزة قوايا , بس اهل هايتي يا حرام! زعلنا على الضحايا اللي راحوا هناك من قوات حفظ السلام و من المواطنين حلو لازم نزعل .. بس تعال نشوف لما فتحوا السد ع اهل غزة و غرقوهم ..
قديش زعلوا الناس؟؟ بحجم زعلهم و حرقتهم على هايتي؟ ؟
و الله خرجهم كلهم كمان هايتي يجرفهم كلهم و يبدلهم بناس تانيه ! ببشر يعني! بس على الله يكونو أحسن شوي !!
اللي صار بهاييتي من فعل الله و هادا سهل انو نعيط و نقول ليش بس باهالايام اللي من فعل امريكا و اسرائيل الو تاويل اخر
و كل واحد حسب نيتوا
مقاربة خاطئة جدا برأيي
الذي حصل في غزة بشع ومجزرة وباعتراف العالم، ساعد من ساعد وشاءت الظروف أن يكون الظرف السياسي في المنطقة وفي غزة تحديداً بهذا الشكل الذي لا يمكّن إلا المساعدات الأهلية للوصول إليها وبصعوبة، وهذا الذي حصل، الدول احتجب واستنكرت والخ، ولكن هذا لا يعني بأي حال من الأحوال أن نعتقد أن الذي حصل وما زال يحصل في هاييتي هو نفس الدمار والخراب الذي حصل لغزة، بل هو أضعاف مضاعفة، وإذا كانت أخذتك الحميّة فلم تتابع أخبار منكوبي هاييتي فأنصحك بأن تقرأ قليلاً من الأخبار لتدرك حجم المعاناة الإنسانية التي يواجهها الناس هناك.
إنتا
NasEr
أهلا فيك بمدونتي...أحترم رأيك و لكن عندي توضيح
أنا تابعت الأخبار و ما حدا بينكر الفاجعة اللي صارت بهاييتي...ولكن اللي صار هو كارثة طبيعية...أما اللي صار بغزة و اللي عم بيصير كل يوم هو جريمة وانتهاك فاضح للأنسانية و كل ما يتعلق بحق الانسان بالحياة..اياك أن تساوي بين تعاطفك مع حادث قضاء و قدر و بين جريمة تحصل أمام عينيك ولا أحد يتحرك ليمنعها...الأولى ليس بيدك الا السكوت و المساعدة وأما الثانية فمن واجبك أن تساعد لكنك اذا سكتت فانت مشارك بالجريمة...وفارق كبير بين المساعدات و تسهيل وصولها لهاييتي...وحجم التواطؤ بمنع وصول المساعدات لأهل غزة...وهاي مش قصة أخدتني الحمية..بس موضوع بقية نخوة و أضعف الايمان...
jafra..هو اللي ما بيعمل قيمة لحاله ما حدا بيقيمه من أرضه...واحنا العرب هيك
شكرا لمرورك
هو اكيد ما بنقلل من الفاجعه اللي صارت بهاييتي و باعداد اللي توفو بطريقه كتير مؤلمه
بس وجهه نظرك انا فهمتها...اللي صار بغزه اللي بقدرو يعملو تغيير جذري ما عملو اشي جزء استنكر و جزء لف وجهه و ما ذكر الموضوع اساسا
إرسال تعليق