الثلاثاء، 5 يناير 2010

افتتاح برج خليفة رسميا


حفل رائع اللي صار امبارح بمناسبة افتتاح برج خليفة (برج دبي سابقا)
اثبتت دبي رغم كل الانتقادات انها رح تضل معلم حضاري يدعو للافتخار
للأسف الخليج مليان فلوس بس رايحة عالفاضي...بس بدبي غير
رح يطلع حدا يقلي دبي وهم و عملاق من كرتون و من هالحكي المخربط
انا عشت بدبي و شفت...البنية التحتية لدبي من أحسن الموجود بالعالم و أحسن يكتييييير من باقي دول الخليج...المهنية العالية في جميع نواحي الخدمات و التعاملات المقدمة من الدولة و غيرها بتحسسك بالفرق...بعدين دولة ايراداتها السنوية 134 مليار درهم(عام 2008)من وين بدو يجيها العجز؟
بعدين امبارح حكوا عن انجازات دبي (اللي انا شفتها بعيني) احكولي مين في دولة بالعالم بتوزع على مواطنيها فلل مفروشة يسكنوا فيها؟
مين دولة بالعالم صرفت على مشاريع التعليم و الصحة في انحاء العالم مثل دبي؟
مين أطلق مبادرة اجراء عمليات اعادة بصر على نفقتها على المحتاجين من مختلف دول العالم؟
مين أطلق مبادرة ترجمة مليون كتاب للغة العربية؟
مين في دولة بتسد ديون مواطنيها في حال عجزوا عنها؟
مين في دولة بتتكفل بسكن كل مواطن غير قادر على تأمين سكن خاص؟و سكن محترم مش من أبو مشّي حالك و خلص؟
مين في دولة بتحترم المقيم و بتعامله نفس معاملة ابن البلد؟
مع تحفظي على بعض المظاهر بدبي...بس بحب أقول, يا ريت نصير زي دبي و ينهار اقتصادنا بعدها مو مشكلة
ما هو أصلا منهار و مديون و مش شايفين اشي

هناك 4 تعليقات:

Rula A. يقول...

وجهة نظر..

مواطنون بلا حدود يقول...

صدقيني أنا بتمنى أنه أي بلد عربية تصير مثل دبي...دايما في تطوير و تحديث و واصلين دايما للشيء اللي بتتوقعيه منها...الازمة المالية أثرت عالكل بس اللي كان محزن نظرة التشفي بعيون الناس...وكأنه دبي لو انهارت ما رح يتشردوا الناس اللي عايشين فيها...أنا برأيي انه قبل ما نتشفى بالعالم نشوف احنا ايش عملنا بالأول...أشواط كتير كبيرة بيننا وبين العالم المتحضر للأسف

ه يقول...

نفس اللي كنا نتناقش فيه اليوم..100 شغلة نفسي اعملها بهالبلد .. و بتحس انه هون المقيم درجة تانيةما بطلعلي اكمل دراسةولا اسوق و لا اشتغل ولا ولا و لا ..بعد نقاش طويل ..كان نفسي ابكي و الدمعة بعيني قلي زوجي كلمة وحدة هالبلد لاهلها و بس ..انت ما بتعنيهم. انت لما ببتغرب اكيد بهمك تكون في بلد تحترمك و تقدملك خدمات متلك متل المواطن مش بس تمص دمك و تسرق عمرك و تسببلك امراض نفسية ..

Unknown يقول...

7abbait :)))