الخميس، 17 ديسمبر 2009

So you think you can Blog?!!

كيفكم؟ من زمان كنت مقرر ابدأ التدوين و خلص كتير كنت متحمس...بس فكرة انه ما حد رح يقرأ اللي عم بكتبه و اني رح أكون بحكي مع حالي و زي الاهبل خلتني أتراجع....نقلت على شغل جديد و الوضع رااااااايق...السعودية بلد بطيء و بالنسبة لواحد كان بدبي الوضع شبه ميت...هيك صار عندي وقت أقرأ مدونات ... و من مدونة لمدونة حسيت حالي رجعت دخلت بالجو و تحمست... و حمستني Whisper كمان اللي يا ريت تقبل اني اسميها صديقتي الجديدة...وانشالله خير...

يالله انا بدي اروح لأنه على غير العادة صار عندي شغل...بس النا قعدة ثانية قريبا...قولوا انشالله

سلام

هناك 9 تعليقات:

Whisper يقول...

اخوي صار معه العكس
انتقل من السعوديه لدبي وبرضه بالبدايه عانا.... متزكره انه حكا انه صابه صدمه حضاريه :$

بالتوفيق ان شاء الله و بنستنا جديدك

و بشرفني اني اكون صديقتك الجديده :)

مواطنون بلا حدود يقول...

والله هي مش بس صدمة حضارية يعني مأساة حضارية...مشوار ساعتين بالطيارة ممكن يرجعك 50 سنة لورا

Whisper يقول...

مسا الخير

شكلك كابس على شي فمانع التعليقات على التدوينات الجديده :)
مش عارفه قصدك او لأ :$

بدي اعلق على التدوينات الجديده وما في مكان للتعليق :(

Unknown يقول...

welcome to the blogging world :)
i'll be reading your posts ;)

مواطنون بلا حدود يقول...

Whisper..صراحة مش عارف بس ما أظن..على كل حال هادا ال blogger مش فاهم عليه كتير...بدي أبحبش فيه منيح
Yazid...مدونتك رائعة و أهلا و سهلا فيك

Mala2e6 يقول...

قعدت احكي مع حالي شهر قبل ما حدا ينتبه
و كمان ماانتبهوا من حالهم صراحة يعني انا رحت لعندهم

عادي جدا و احلى الكلام الكلام اللي بتكتبة لنفسك

اهلا و سهلا بك

ابقى تعالا صيف عندنا

مواطنون بلا حدود يقول...

Mala2e6...شرفت المدونة
هو أنا تقريبا طول عمري و أنا أحكي مع حالي...بس لما تحكي مع حالك ما بتفش غلّك لأنه حالك دايما محترم و مسالم و بيوافق على كل شي بتحكيه...و هاي مشكلة لأنه في كتير أوقات بتكون بحاجة لحدا يناقشك و يجاكرك

ه. يقول...

أخي أهلا بك في السعودية .. حسب ما فهمت انكم بالخبر و بلشت تعاني .. تعوا عنا عالرياض و شوفوا الهنا .. بس عندي سؤال شخصي ... زوجتك عم بتقدر تتعايش ولا لأ .. لانه صارلي سبع سنين بهالبلد ومش طاقاها .. وهاي نصيحة الك .. بس تشوف دموعها و تقولك زهقانه اعرف انها هالمرة مش دموع ... دموع حقيقية والله

مواطنون بلا حدود يقول...

والله أنا اللي لحد الان مش قادر اتعايش...مجتمع غريب ما لقيت اله وصف الا انه البلد الوحيد اللي عم يستعمل التكنولوجيا و المصاري مشان يزيد تخلف...انا رحت الرياض و حبيتها يمكن لأنه كانت الدنيا عيد و البلد فاضية
الخبر مملة ... لا تقوليلي البحرين جنبك لأنه زهقت أنا منها..يعني الحال من بعضه...زوجتي الله يخليلي اياها متأقلمة معي أو عالأقل هيك عم تورجيني لأنه ما بدها تزيد علي...على كل حال بدنا نتأقلم لحتى نلاقي بديل
وأنا عندي ضعف قدام دموع مرتي (انشالله ما بتدمع أبدا) لأنه دموعها صادقة كتير و بتحكي عنها كلام ما بتقدر تقوله