اليوم كان عنا presentation بشركة أرامكو...و لأني جديد بالشركة أخدوني مستمع بس و ما خلوني أشارك فيه
قعدنا والله...و بلشوا الشباب يحكو...أنا انصدمت...الشباب بلشت تعطي ألوان و عرقوا...والانجليزي صار يوناني
و المفروض عم نشرح لمهندسين بس عم نشرح كأنهم أطفال...باختصار اشي بيخزي صراحة
طيب ليش أنا ما شاركت بالموضوع...مش فلسفة ولا استعراض عضلات...بس منطقيا أنا الوحيد عندي خبرة مبيعات و تسويق بالاضافة لشهادة الهندسة...ليش ما اخدوا رأيي عالأقل؟
ببساطة لأني ما بحشر حالي و لأني مسالم و مسكين و بخجل...
بتلاقي ناس عندهم مؤهلات أقل و عم ياخدوا امتيازات أكتر...بس لأنهم كتيرين غلبة و حكي
طيب أنا ما بقدر أصير مقرف زيهم...وبخجل أطلب اشي الي...حتى الزيادة السنوية بعمري ما ناقشت فيها
ليش هيك احنا بنحب اللي بضحك علينا و اللي بيدّعي أشياء مش موجودة فيه؟
ليش المقرف و الغلباوي بنعطيه حقه و المسكين اللي ما بيحكي بناكله
يا ترى العيب من مين؟مني أنا اني بسكت و لا بالناس اللي بتسيء التقدير؟
هل لازم أتغير و أصير انسان وقح و حشري ومسّيح جوخ ممتاز مشان أتطور و اخد حقي؟
أو لازم أهتم برأي الناس فيي و أضل ساكت مشان أضل الموظف الادمي المحترم اللي ما بيغلّب؟
والله اشي بيقهر
هناك 6 تعليقات:
hello
its okay :) kteer beyseer hek bel denya
feek t2ool msalan enhom m5abeenak la she akbar o la munasabeh af5am? o akeed enta lazi twadde7 elhom hal she
o ma ra7 tkoon ella mbsoot
Have a Gd Day
اولا مبروك المدونة الحلوة
تانيا انا هلاء تشجعت اني ابعتلك كومنت عشان عرفت انك من النوع اللي مش (غلباوي) ويمكن انطوائي شوي، لكن صدقا هاد احلى نوع من البشر، اللي بتشعر وانته معاه انك جالس مع روح خفيفة شفافة، اما الغلباوي وكتير الفلسفة ياااااه شو بيعمل وجع راس، ونصيحة من اخوك خليك على طبيعتك( اياك وارتداء الاقنعة) اياك وتقمص شخصية مش الك ولا تخاف كتييرين الغلبة ما راح ياخدو مكانك لانو بالنهاية الانسان المتميز موهبته ( راح تفصح عن نفسها) بس اصبر وسيبها للايام
انا كنت متلك بس مع اللي بشتغل معهم اكتشفت اني لازم اكون قويه لانهم ما بفهمو ان اخلاق الانسان هي اللي بتخليه يضل ساكت
انت ادرى بالعالم اللي بتشتغل معهم وبطريقه تفكيرهم
مع اني مع ان الواحد ما يغير من طبيعته بالمرنه بس ممكن يكون مرن شوي :$
من اكتر الاشياء اللي بكرها بشغلي اني عم بتغير :(
احكيلك....ما تتغير بالمره و ربك بفرجها ان شاء الله و بتاخد حقك
Farah Batarneh...والله أنا حاسسهم مخبينلي ال Donkey Work وبس..و ما خفي كان أعظم
نادر أحمد...أهلا فيك طبعا أنا مش رح أتغير انشالله بس لازم أصير لئيم شوي مشان يحسوا بأهميتي
Whisper...والله أنا ما عم بتغير...الاشي الوحيد اللي كان يتغير هو الشغل حتى وصلت لقناعة انه ما في شغل منيح الا الشغل الخاص..بس العين بصيرة و الأيد قصيرة
nasee7te elak ennak t7awel te7ke kteer:P
betroo7 3alek brother.. try to be more stronger...
ana 3m betroo7 3alay o r7 a2aldak o aktob be nafs mawdoo3ak...
menak el sama7 3l taqleed
بهيك مركز لازم تكزب وتحشر حالك بكلشي عشان تمشي..
إرسال تعليق