الأحد، 20 ديسمبر 2009

هل نحن مفصومون؟

قبل أيام كان لازم أطلع على مطار الدمام...و بما اني جديد بالبلد طلبت سواق من الشركة يروح معي عشان يدلني عالطريق...
قام المهندس المسؤول قلي أوكي...اطلع انتا بسيارتك و الشوفير بسيارة...قلتله ليش يعني نطلع بسيارتين اذا رايحين و راجعين سوا...
قال كيف بدك تقعدو هاد بسيارتك...قلتلوا عادي يا بشمهندس كلنا اولاد تسعة...قال زي ما بدك بس انا عشانك
انا اللي صدمني انه المسؤول متدين كتير...طيب هو الدين بيقولنا نعمل هيك؟
ليش نروح بعيد...أنا نفسي دايما بدافع بشراسة عن الدين الاسلامي و لهلأ ما عم ألتزم بصلاتي منيح
و بس أروح البيت ألاقي حد صافف باب العمارة و هو مش من سكانها بعصب...
بالمقابل اذا رجعت بالليل و ما لقيت صفة بتسلبط على أي بناية تانية و بصف عندها
السؤال اللي شاغل بالي هو...هل نحن مفصومون؟؟
هل احنا بنحب انتقاد العالم لمجرد الانتقاد و اذا مرينا بنفس الموقف رح نتصرف بنفس الطريقة؟
جاوبوني يا جماعة...يا ترى احنا مفصومين؟؟؟
و صباح الخير

هناك 8 تعليقات:

zuhair يقول...

be9ara7a ana ba2ool mafsooleen mesh mafsoomeen

مواطنون بلا حدود يقول...

ممكن...بس ليش برأيك؟

Moh'd Jarrar. يقول...

والله في منه
بخف عقلي من هيك ناس, بيفصلوا الدين زي ما بدهم
بيوخذو اللي بدهم اياه و بيتركوا كل اشي ما بيجي على هواهم

مع انه الدين الاسلامي اكبر من هيك بكثيييييييييييييييير

مواطنون بلا حدود يقول...

LUNAR أهلا فيك في مدونتي المتواضعة
أنا متفق معك بس أنا ما كان قصدي على الدين بس...الموضوع تقريبا بكل جوانب حياتنا...في تعاملنا مع الناس و في تربيتنا لأولادنا و في اختبار قيمنا

Ahmad Merie يقول...

إحنا عاهات :)

مواطنون بلا حدود يقول...

Ahmad Merie..طول بالك شوي و عرّف مين احنا...و ليش عاهات؟ :)

Ahmad Merie يقول...

إحنا اللهم نحن يا مواطن بلا حدود!
هي ما فرقت مفصومون أو عاهات المهم انه في شي مش مزبوط.. ولا شو رأيك؟

مواطنون بلا حدود يقول...

في منه والله الحكي